Shiva Mrityunjaya Stotram

Invoke the blessings of Lord Shiva

Chant the sacred verses of Shiva Mrityunjaya Stotram and obtain the Blessings of Lord Shiva

Shiva Mrityunjaya Stotram , also known as Maha Mrityunjaya Mantra, Tryambakam Stotra, Mrityunjay Shiva Stotram, is a popular stotram dedicated to Lord Shiva.Devotees invoke this stotram to invoke the blessings of Lord Shiva

Change language

हिन्दी

॥ शिव मृत्युञ्जय स्तोत्रम् ॥
रत्नसानुशरासनं रजताद्रिश्रृंगनिकेतनं
शिञ्जिनीकृतपन्नगेश्वरमच्युतानलसायकम्।
क्षिप्रदग्धपुरत्रयं त्रिदशालयैरभिवंदितं
चन्द्रशेखरमाश्रये मम किं करिष्यति वै यम:॥1॥
पंचपादपपुष्पगन्धिपदाम्बुजद्वयशोभितं
भाललोचनजातपावकदग्धमन्मथविग्रहम्।
भस्मदिग्धकलेवरं भवनाशिनं भवमव्ययं
चन्द्रशेखरमाश्रये मम किं करिष्यति वै यम:॥2॥
मत्तवारणमुख्यचर्मकृतोत्तरीयमनोहरं
पंकजासनपद्मलोचनपूजितांगघ्रिसरोरुहम्।
देवसिद्धतरंगिणी करसिक्तशीतजटाधरं
चन्द्रशेखरमाश्रये मम किं करिष्यति वै यम:॥3॥
कुण्डलीकृतकुण्डलीश्वरकुण्डलं वृषवाहनं
नारदादिमुनीश्वरस्तुतवैभवं भुवनेश्वरम्।
अंधकान्तकमाश्रितामरपादपं शमनान्तकं
चन्द्रशेखरमाश्रये मम किं करिष्यति वै यम:॥4॥
यक्षराजसखं भगाक्षिहरं भुजंगविभूषणं
शैलराजसुतापरिष्कृतचारुवामकलेवरम्।
क्ष्वेडनीलगलं परश्वधधारिणं मृगधारिणं
चन्द्रशेखरमाश्रये मम किं करिष्यति वै यम:॥5॥
भेषजं भवरोगिणामखिलापदामपहारिणं
दक्षयज्ञविनाशिनं त्रिगुणात्मकं त्रिविलोचनम्।
भुक्तिमुक्तिफलप्रदं निखिलाघसंघनिबर्हणं
चन्द्रशेखरमाश्रये मम किं करिष्यति वै यम:॥6॥
भक्तवत्सलमर्चतां निधिमक्षयं हरिदम्बरं
सर्वभूतपतिं परात्परमप्रमेयमनूपमम्।
भूमिवारिनभोहुताशनसोमपालितस्वाकृतिं
चन्द्रशेखरमाश्रये मम किं करिष्यति वै यम:॥7॥
विश्वसृष्टिविधायिनं पुनरेव पालनतत्परं
संहरन्तमथ प्रपंचमशेषलोकनिवासिनम्।
क्रीडयन्तमहर्निशं गणनाथयूथसमाव्रतं
चन्द्रशेखरमाश्रये मम किं करिष्यति वै यम:॥8॥
रुद्रं पशुपतिं स्थाणुं नीलकण्ठमुमापतिम्।
नमामि शिरसा देवं किं नो मृत्यु: करिष्यति॥9॥
कालकण्ठं कलामूर्तिं कालाग्निं कालनाशनम्।
नमामि शिरसा देवं किं नो मृत्यु: करिष्यति॥10॥
नीलकण्ठं विरुपाक्षं निर्मलं निरूपद्रवम्।
नमामि शिरसा देवं किं नो मृत्यु: करिष्यति॥11॥
वामदेवं महादेवं लोकनाथं जगद्गुरुम्।
नमामि शिरसा देवं किं नो मृत्यु: करिष्यति॥12॥
देवदेवं जगन्नाथं देवेशमृषभध्वजम्।
नमामि शिरसा देवं किं नो मृत्यु: करिष्यति॥13॥
अनन्तमव्ययं शान्तमक्षमालाधरं हरम्।
नमामि शिरसा देवं किं नो मृत्यु: करिष्यति॥14॥
आनन्दं परमं नित्यं कैवल्यपदकारणम्।
नमामि शिरसा देवं किं नो मृत्यु: करिष्यति॥15॥
स्वर्गापवर्गदातारं सृष्टिस्थित्यन्तकारिणम्।
नमामि शिरसा देवं किं नो मृत्यु: करिष्यति॥16॥
॥ इति श्रीपद्मपुराणान्तर्गत उत्तरखण्डे श्रीमृत्युञ्जयस्तोत्रं सम्पूर्णम्। ॥

English

॥ Shiva Mrityunjaya Stotram ॥
Ratnasanusharasanam Rajatadrishrringa-niketanam
Shinjinikrita-pannageshvarama-chyutanalasayakam।
Kshipradagdhapuratrayam Tridashalayaira-bhivanditam
Chandrashekharamashraye Mama Kim Karishyati Vai Yamah॥1॥
Panchapadapa-pushpagandhipadambu-jadvayashobhitam
Bhalalochana-jatapavaka-dagdhamanmatha-vigraham।
Bhasmadigdha-kalevaram Bhavanashinam Bhavamvyayam
Chandrashekhara-mashraye Mama Kim Karishyati Vai Yamah॥2॥
Mattavarana-mukhyacharma-kritottariya-manoharam
Pankajasanapadmalochana-pujitangaghri-saroruham।
Devasiddhatarangini-Karasiktashita-jatadharam
Chandrashekharamashraye Mama Kim Karishyati Vai Yamah॥3॥
Kundalikrita-kundalishvara-kundalam Vrishavahanam
Naradadimuni-shvrastuta-vaibhavam Bhuvaneshvaram।
Andhakantakama-shritamarapadapam Shamanantakam
Chandrashekharamashraye Mama Kim Karishyati Vai Yamah॥4॥
Yaksharajasakham Bhagakshiharam Bhujangavibhushanam
Shailarajasuta-parishkrita-charuvama-kalevaram।
Kshvedanilagalam Parashvadhadharinam Mrigadharinam
Chandrashekharmashraye Mama Kim Karishyati Vai Yamah॥5॥
Bheshajam Bhavarogina-makhilapadama-paharinam
Dakshayajnavinashinam Trigunatmakam Trivilochanam।
Bhuktimukti-phalapradam Nikhila-ghasanghani-barhanam
Chandrashekharmashraye Mama Kim Karishyati Vai Yamah॥6॥
Bhaktavatsalamarchatam Nidhimakshayam Haridambaram
Sarvabhutapatim Paratparama-prameya-manupamam।
Bhumivarina-bhohutashana-somapalita-svakritim
Chandrashekharamashraye Mama Kim Karishyati Vai Yamah॥7॥
Vishvasrishti-vidhayinam Punareva Palanatatparam
Samharantamatha Prapanchama-sheshaloka-nivasinam।
Kridayantamaharnisham Gananatha-yuthasamavratam
Chandrashekharamashraye Mama Kim Karishyati Vai Yamah॥8॥
Rudram Pashupatim Sthanum Nilakantha-mumapatim।
Namami Shirasa Devam Kim No Mrityu Karishyati॥9॥
Kalakantham Kalamurtim Kalagrima Klanashanam।
Namami Shirasa Devam Kim No Mrityu Karishyati॥10॥
Nilakantham Virupaksham Nirmalam Nirupadravam।
Namami Shirasa Devam Kim No Mrityu Karishyati॥11॥
Vamadevam Mahadevam Lokanatham Jagadgurum।
Namami Shirasa Devam Kim No Mrityu Karishyati॥12॥
Devadevam Jagannatham Deveshamrisha-bhadhvajam।
Namami Shirasa Devam Kim No Mrityu Karishyati॥13॥
Anantamavyayam Shantamakshamaladharam Haram।
Namami Shirasa Devam Kim No Mrityu Karishyati॥14॥
Anandam Paramam Nityam Kaivalya-padakaranam।
Namami Shirasa Devam Kim No Mrityu Karishyati॥15॥
Svargapavarga-dataram Srishti-sthityanta-karinam।
Namami Shirasa Devam Kim No Mrityu Karishyati॥16॥
॥ Iti Shripadamapuranatagarta Uttarakhande Shrimrityunjaya Stotram Sampurnam ॥